Һиндонезийәниң ғайиб болған йолучилар айрупилан парчилири вә җәсәтләр тепилди

Мухбиримиз меһрибан
2014-12-30
Елхәт
Пикир
Share
Принт


Хәлқара мәтбуатларниң 30 - декабирдики хәвәрлиридә, 28 - декабир туюқсиз ғайип болған һиндонезийәниң «асия һава йоли - 8501» намлиқ бир йолучилар айропиланиниң қалдуқ парчилири вә бир қисим җәсәтләр һиндонезийә әтрапидики деңиздин тепилғанлиқи хәвәр қилинди. Айропиланниң қазаға йолуқуш сәвәби һәққидә башқа учур берилмиди.

Мәлум болушичә, айропилан һиндонезийәниң сурабая шәһиридин сингапорға қарап учқан болуп, айропилан ғайип болғанда җәмий 162 йолучи бар икән.

3 Күндин буян һиндонезийә даирилири һава вә судин издәш һәрикити елип бериватқан иди. Хәлқара мәтбуат хәвәрлиридә илгири сүрүлүшичә, 2014 - йили шәрқий җәнубий асия дөләтлиридә йолучилар айропиланиниң ғайип болуш әһваллири әң көп йүз бәрди. Алдинқи икки қетимлиқ айрупилан ғайип болуш вәқәлири малайшия айропиланлирида көрүлгән болуп, бу йил 8 - март 239 йолучини елип маңған малайшия һава йоллири айропиланиниң ғуйип болуш сәвәби вә айропилан һәққидә һазирға ениқланмиған иди.

Пикирләр (0)
Share
Толуқ бәт