Гумидики партлаш вәқәсидин кейин чен чүәнго қәшқәрдә тәкшүрүштә болған

Мухбиримиз қутлан
2016-09-24
Елхәт
Пикир
Share
Принт

Чен чүәнго уйғур аптоном райониға партком секритари болуп бир ай өтмәйла гумида партлаш вәқәси йүз бериши вә наһийәлик сақчи идарисиниң муавин башлиқиниң өлүши районниң вәзийитини йәниму җиддийләштүривәткән.

Шинхва ториниң хәвәр қилишичә, гумида вәқә йүз берип иккинчи һәптиси чен чүәнго қәшқәргә қарап йолға чиққан. У 20 - сентәбир күни қәшқәр вилайитидики партийә, һөкүмәт вә армийә мәсуллирини йиғип җиддий йиғин ачқан. Йиғинда районниң узақ муддәтлик әминлики вә муқимлиқини сақлаш үчүн һәр саһәдики мәсул кишиләр билән асасий қатлам кадирлириниң әң зор дәриҗидә күч көрситишини тәләп қилған.

Чен чүәнго қәшқәрдики зиярити давамида қәшқәр шәһири әтрапидики қоған йезиси билән апақ хоҗа мазириға берип, у йәрдики йәрлик уйғур аһалилири, төвәнгә чүшкән кадирлар вә диний саһәдики затлар билән көрүшкән. Болупму асасий қатламдики кадирларниң муқимлиқ хизмити саһәсидә ишлигән хизмәтлирини көздин көчүргән.

Хәвәрдә дейилишичә, чен чүәнго қәшқәр зияритиниң ахирида вилайәтлик җ. Х. Идарисиниң қоманданлиқ мәрзкиригә келип сақчи тәрәпниң муқимлиқ бойичә тәйярлиған доклатини аңлиған. У кадир - сақчиларға сөз қилип, һәрқандақ бәдәл кетишидин қәтий нәзәр 1 милюн 600 миң квадрат километир келидиған бу земинни хитайниң хәритисидә әбәдий тутуп турушни қаттиқ тәкитлигән.

Көзәткүчиләр, чен чүәнгониң қәшқәр сәпирини гума вәқәсидин кейин җәнубтики сәзгүр районларға берип сақчиларға йәл беришни мәқсәт қилған, дәп қаримақта.

Пикирләр (0)
Share
Толуқ бәт