«Хәлқара диний етиқад әркинлики комитети» хитай һөкүмитидин уйғур виҗдан мәһбуси гүлмирә иминни қоюветишни тәләп қилди

Мухбиримиз ирадә
2019-08-08
Елхәт
Пикир
Share
Принт

Америка дөләт мәҗлисигә қарашлиқ хәлқара диний етиқад әркинлики комитетиниң әзалиридин тензин дорҗи 8-авғуст күни чақириқ елан қилип, хитай һөкүмитидин өмүрлүк қамақ җазасиға һөкүм қилинған уйғур виҗдан мәһбуси гүлмирә иминни дәрһал вә шәртсиз қоюп беришни тәләп қилди.

Чақириқта мундақ дейилгән: «гүлмирә имингә берилгән чекидин ашқан наһәқ җаза хитай һөкүмитиниң бүгүн уйғур елидики мусулманларға йүргүзүватқан кәң көләмлик тутқун һәрикити вә башқа зиянкәшлик сиясәтлириниң алдин бешарити иди.»

Гүлмирә имин 2009‏-йили үрүмчидә йүз бәргән «5‏-июл вәқәси» партлап 9 күндин кейин қолға елинған. У 2010‏-йили 4‏-айда «5‏-июл вәқәси» ни тәшкиллигән дәп әйиблинип, муддәтсиз қамақ җазасиға һөкүм қилинған иди.

Америка хәлқара диний әркинлик комитети 2018-йили уни рәсмий һалда өзлириниң «виҗдан мәһбуслири» тизимликигә алғандин бери изчил һалда униң әһвалини сүрүштә қилип кәлмәктә. Тензин дорҗи чақириқида хитай һөкүмитини гүлмирә имин вә униңға охшаш өзиниң дини вә миллий кимлики сәвәблик түрмиләргә соланған барлиқ виҗдан мәһбуслирини қоюветишкә чақирған.

Пикирләр (0)
Share
Толуқ бәт