Гуәнтанамодики 5 адәм қазақистанға әвәтилди

Мухбиримиз үмидвар
2014-12-31
Елхәт
Пикир
Share
Принт


Гуәнтанамо түрмисидә тутуп турулуватқан бәш адәм қазақистан тәрипидин қобул қилинип, сәйшәнбә күни қазақистанға әвәтилгән.

Америка авазиниң хәвәр қилишичә, мәзкур бәш адәмниң үч нәпири йәмәнлик, икки нәпири тунислиқ болуп, уларниң гуәнтанамоға соланған вақти 11 йилдин ешип кәткән, америка тәрәп буларни қоюп беришкә болидиғанлиқини қарар қилған иди.

Хәвәрләрдин мәлум болушичә, америка президенти барак обама гуәнтанано түрмисини тақашни қолға кәлтүридиғанлиқини билдүргән болуп, 2014 - йили, бу йәрдики 28 адәм башқа дөләтләргә әвәтилгән. Һазир у йәрдә 127 адәм бар болуп, уларниң 59 нәпириниң қоюп беришкә болидиғанлиқи бекитилгән икән.

Оттура асиядики түркий тиллиқ җумһурийәт, хитай хәлқ җумһурийитиниң истратегийилик шерики қазақистанниң гуәнтанамо түрмисидики 5 мәһбусни қобул қилиши қизиқиш қозғиди.

Илгири гуәнтанамодики уйғур тутқунларни қоюп бериш қарар қилинғанда, узун мәзгил уларни қобул қилидиған дөләт издәш җәряни бесип өтүлгән болуп, уларниң һәммиси илгири - кейин албанийә, палав, шветсарийә вә башқа дөләтләргә орунлаштурулған иди.

Пикирләр (0)
Share
Толуқ бәт