Түркий дөләтләр хәлқара журналистлар җәмийити урсула гавтйерни чеградин қоғлап чиқарғанлиқиға наразилиқ билдүрди

Мухбиримиз әркин
2015-12-30
Елхәт
Пикир
Share
Принт

Мәркизи түркийәдики түркий дөләтләр хәлқара журналистлар җәмийити хитайниң уйғур сияситини тәнқид қилған фирансийәлик мухбир урсула гавтйерни чеградин қоғлап чиқарғанлиқини« шиддәтлик тәнқид қилимиз» деди.

Мәзкур җәмийәтниң баянатида мундақ дейилгән: хитай һөкүмити гавтйерниң шәрқий түркистандики һадисиләргә даир мақалә, хәвәрлири сәвәблик униңға бесим ишләтти. Хитайда ишләватқан журналистларни баш әгдүрүлүшкә урунуватиду. Б д т хәвпсизлик кеңишиниң даимий әзаси болған хитай әркинлик мәсилисидә гуманлиқ бир дөләт. Мәсләктешимизға қилинған бу һәрикәтни шиддәтлик тәнқид қилимиз.»

Урсула гавтйер илгири ақсу бай көмүр кан вәқәси һәққидә хәвәр йезип, хитайниң уйғур районидики сияситини тәнқид қилған. Нәтиҗидә, хитай һөкүмити униң ахбарат гуваһнамисини йеңилап беришни рәт қилип, хитайда турушлуқ виза вақти 31‏-декабир тошидиған урсулани хитайдин айрилишқа мәҗбур қилған иди. Урсула гавтйер 2012‏-йили хитайдин қоғлап чиқирилған әл-җәзирә телевизийә қанили мухбири мәлиса чәндин кейин чеградин қоғлап чиқирилған 2‏-чәтәл мухбири.

Хитайниң һәрикити хәлқара кишилик һоқуқ вә ахбарат әркинлик тәшкилатлириниң қаттиқ тәнқидигә учриған. Әмма хитай ташқи ишлар министирлиқи өзиниң һәрикитини ақлап, «хитай террорлуқ чемпийонлириниң әркинликини һәргиз қоллимайду» дегән.

Пикирләр (0)
Share
Толуқ бәт