Феңчең електир истансисида қаза қилғанларниң аилисигә төләм берилидикән

Мухбиримиз үмидвар
2016-11-27
Елхәт
Пикир
Share
Принт


24-Ноябир күни хитайниң җяңши өлкисиниң йичүн шәһиридики феңчең електир истансисиниң совутуш мунарисиниң иш орнида өрүлүш вәқәси йүз берип, 74 адәм өлүш, 2 адәм ярилиниш келип чиққан иди. Бу вәқә мунасивити билән 27-ноябир күни феңчең електир истансиси совутуш мунариси қурулушини елип бериватқан хебей өлкисиниң бир ширкити қазаға учриғучиларға төләм төләйдиғанлиқи вә өлгүчиләрниң өлүмини узутуш чиқимлирини төләйдиғанлиқини елан қилған. Мәлум болушичә, вәқәдә қазаға учриған һәр бир адәм үчүн бир милйон 200 миң сом төләм төләш һәққидики келишимгә имза қоюлған.

Б б с агентлиқиниң хәвәр қилишичә, төләм төлигүчи орун төләм һәққиниң юқири болушини капаләткә игә қилидиғанлиқини билдүргән. Әмма, вәқәдә қаза қилғучилар аилә-тавиабатлириниң мәзкур төләм соммисиға рази болған яки болмиғанлиқи һәққидики учурлар шуниңдәк вәқә келип чиқишиға сәвәб болған амил вә җавабкарлиқ мәсилилиригә аит инкаслар техи мәтбуатқа чиқмиди.

Әмма, хитай мәтбуатлири феңчең електир истансиси вәқәсини хитайда йеқинқи йиллар ичидә адәм әң көп өлгән вә тәсири әң начар вә ечинишлиқ ибрәткә игә еғир вәқә дәп тәриплигән.

Толуқ бәт