Xitay da'iriliri xotende bir türküm "Éshincha emgek küchliri" ni ishqa orunlashturghanliqini élan qildi

Muxbirimiz sada
2019-04-16
Élxet
Pikir
Share
Print

Uyghur diyaridin milyondin artuq Uyghur jaza lagérlirigha qamilip, bularning arisidiki bir qisimliri xitayning ichkiri ölkiliridiki türmilerge yötkiliwatqanliqi ilgiri sürülüwatqan bir mezgilde, xitayning atalmish "Éshincha emgek küchini ishqa orunlashturush" siyasiti boyiche xoten wilayiti yéqindin buyan 22 ming ademni ishqa orunlashturghanliqini élan qildi.

"Shinjang géziti" ning 15-apréldiki xewiridin melum bolushiche, bu xil ishqa orunlashturush siyasiti xotende bu yil 2-aydin bashlap yürgüzülgen bolup, bu 22 ming ademning konkrét néme xizmet qilidighanliqi eskertilmigen. 

Xewerde déyilishiche, ötken bir yil ichide xoten wilayitide ishqa orunlashturulghan "Éshincha emgek küchi" 611 ming 500 adem qétimgha yetken bolup, 2017-yiligha qarighanda 9.23% Ashqan. Buning ichide wilayet ichide ishqa orunlashturulghanlar 402 ming 500 adem qétim, rayon atlap ishqa orunlashturulghanlar 209 ming adem qétim bolghan. Emma qanchilik ademning ichkiri xitaygha yötkelgenliki éytilmighan.

Xewerde rayon atlap ishqa orunlashturulghanlarning konkrét qeyerge yötkelgenliki déyilmigen.

Bezi Uyghur pa'aliyetchilirining bildürüshiche, xoten wilayitige oxshash Uyghur nopusi bir qeder zich olturaqlashqan jayda xitay hökümiti "Éshincha emgek küchliri" ni yötkep ishqa orunlashturush arqiliq rayonning nopusini tarqaqlashturushqa urunmaqta iken. Emeliyette yötkep orunlashturushning asasliq nishanlirining biri xitayning ichkiri ölkiliri bolmaqta.

Halbuki xitay hökümiti bu xil "Ishqa orunlashturush" siyasitini muqimliqni ishqa ashurush, namratliqni tügitishtiki istratégiyilik orunlashturush, dep körsetmekte.

Toluq bet