"Yérusalém pochtisi": "Ereb döletliri xitayning Uyghurlarni basturushigha yéshil chiragh yaqti"

Muxbirimiz irade
2019-09-03
Élxet
Pikir
Share
Print

"Yérusalém pochtisi" gézitining 1-séntebir künidiki sanida "Ereb döletliri xitayning Uyghurlarni basturushigha yéshil chiragh yaqti" mawzuluq bir parche maqale élan qilindi. Maqalini tetqiqatchi haysam hassanéyn yazghan bolup, u maqaliside ereb döletlirining xitayning Uyghurlarni basturushigha qarshi bir sada chiqarmasliqidiki seweblerni mulahize qilghan.

Uning körsitishiche, buninggha birinchidin, bu ereb döletlirining köpinchisi özlirimu diktator bolghachqa, ular xitaygha oxshashla bashqa döletlerning ichki ishigha arilashmasliq, deydighan ortaq qarashni yaqilaydiken. Yene biri, yéqindin buyan ereb dunyasida térrorluq bilen siyasiy islamni bir-birige arilashturuwétish körülgenliktin we bu hakimiyetler özimu térrorluq bilen küresh qiliwatqan bolghachqa, ular xitayning térrorluqqa qarshi turush nami astidiki bu herikitige hésdashliq keypiyatida bolghan.

Bundin bashqa yene bu döletlerning bundaq meydanda turushigha yene, xitayning "Bir belwagh bir yol qurulushi" qarmiqida wede qiliniwatqan iqtisadiy menpe'etlerni közlesh bilen birge, "Xitay bek qudretlik, bek küchlük, shinjangni dep özimizge ish térisaq bolmaydu" deydighan köz qarashningmu hessisi barliqini bildürgen.

Aptor buning üchün amérika hökümitining xelq'arada xitay teshwiq qiliwatqan hékayilerni buzup tashlap, uning ornigha Uyghur élidiki emeliyetni köprek anglitidighan pursetlerni yaritishi we axbarat wasitiliri arqiliq ereb we musulman döletliride bu heqtiki ang we chüshinishni ashurushi kéreklikini tekitligen.

Toluq bet