«Йерусалем почтиси»: «әрәб дөләтлири хитайниң уйғурларни бастурушиға йешил чирағ яқти»

Мухбиримиз ирадә
2019-09-03
Елхәт
Пикир
Share
Принт

«Йерусалем почтиси» гезитиниң 1-сентәбир күнидики санида «әрәб дөләтлири хитайниң уйғурларни бастурушиға йешил чирағ яқти» мавзулуқ бир парчә мақалә елан қилинди. Мақалини тәтқиқатчи һайсам һассанейн язған болуп, у мақалисидә әрәб дөләтлириниң хитайниң уйғурларни бастурушиға қарши бир сада чиқармаслиқидики сәвәбләрни мулаһизә қилған.

Униң көрситишичә, буниңға биринчидин, бу әрәб дөләтлириниң көпинчиси өзлириму диктатор болғачқа, улар хитайға охшашла башқа дөләтләрниң ички ишиға арилашмаслиқ, дәйдиған ортақ қарашни яқилайдикән. Йәнә бири, йеқиндин буян әрәб дунясида террорлуқ билән сиясий исламни бир-биригә арилаштуруветиш көрүлгәнликтин вә бу һакимийәтләр өзиму террорлуқ билән күрәш қиливатқан болғачқа, улар хитайниң террорлуққа қарши туруш нами астидики бу һәрикитигә һесдашлиқ кәйпиятида болған.

Бундин башқа йәнә бу дөләтләрниң бундақ мәйданда турушиға йәнә, хитайниң «бир бәлвағ бир йол қурулуши» қармиқида вәдә қилиниватқан иқтисадий мәнпәәтләрни көзләш билән биргә, «хитай бәк қудрәтлик, бәк күчлүк, шинҗаңни дәп өзимизгә иш терисақ болмайду» дәйдиған көз қарашниңму һәссиси барлиқини билдүргән.

Аптор буниң үчүн америка һөкүмитиниң хәлқарада хитай тәшвиқ қиливатқан һекайиләрни бузуп ташлап, униң орниға уйғур елидики әмәлийәтни көпрәк аңлитидиған пурсәтләрни яритиши вә ахбарат васитилири арқилиқ әрәб вә мусулман дөләтлиридә бу һәқтики аң вә чүшинишни ашуруши керәкликини тәкитлигән.

Пикирләр (0)
Share
Толуқ бәт