En'gliye parlamént ezasi kéyt osamor: "Uyghurlar korona wirusi yuqumida untulup qalmasliqi kérek"

Muxbirimiz erkin
2020-04-17
Élxet
Pikir
Share
Print

En'gliye parlamént ezasi kéyt osamor en'gliye tashqi ishlar ministiri dominik ra'abqa mektup yézip, Uyghurlarning korona wirusi yuqumida untulup qélinmasliqi, ularning burunqidinmu mislisiz bir xewp astida turuwatqanliqini tekitligen. U, 6-aprél küni dominik ra'abqa yazghan mektupida, "Korona wirusi xitay lagérliridiki Uyghurlarning qiyinchiliqigha téximu ejellik yéngi qiyinchiliqlarni peyda qildi. Ularning tutqundiki shara'iti ejellik yuqumning yamrishigha téximu qulayliq yaritip, erkinlikidin ayrilghan bu kishiler üchün yéngi apetlerge yol échishi mumkin" dégen.

Kéyt osamorning tekitlishiche, uning saylighuchilirining hökümetning bu mesilige jiddiy qarighan-qarimighanliqi, bu mesilini özining tashqi siyasitide muhim orun'gha qoyghan-qoymighanliqini bilish heqqi bar iken. Osamor mektupida "En'gliyening Uyghur xelqi üchün sözlesh exlaqiy mes'uliyiti bar" dégen. U mektupida yene hökümetning Uyghur mesilisi heqqide axirqi qétim xitay hökümiti bilen qachan sözleshkenliki, uning xitay bilen bolghan kelgüsidiki alaqilerde Uyghur mesilisini otturigha qoyidighan-qoymaydighanliqini sorap, dominik ra'abning jawab bérishini telep qilghan.

Mezkur mektup wuxende partlighan korona wirusi dunyawi yuqumgha aylinip, xelq'ara jem'iyetning diqqiti yuqumgha taqabil turushqa buralghan mezgilde yézilghan. Bu ehwal chet'eldiki Uyghurlarda shundaq kishilik hoquq teshkilatlirida lagérlar mesilisining kömülüp qélish, xitayning bu weziyetni suyi'istémal qilish endishiliri kücheytkenidi.

Toluq bet