Élise andérson xanim arkansas uniwérsitétida "Uyghur muqamining xitaygha qarshi turushtiki simwolluq roli" témisida léksiye bermekchi

Muxbirimiz méhriban
2017-04-18
Élxet
Pikir
Share
Print

Amérikiliq muzika tetqiqatchisi, indi'ana uniwérsitétining folklor we muzika kespidiki doktur kandidati élise andérson xanim 20-april küni arkansas uniwérsitétida "Uyghur muqamining xitaygha qarshi turushtiki simowolluq roli" dégen témida léksiye bermekchi.

Arkansas uniwérsitétning mektep torida 17-aprél élan qilin'ghan bu heqtiki xewerdin melum bolushiche, xitay hökümiti xelq'ara térrorizmgha qarshi herikettin paydilinip, Uyghur rayonini térrorizmning uwisi qilip körsitish arqiliq Uyghurlargha qarita basturush we ijtima'iy kontrol qilish siyasiti yürgüzüwatqan iken.Shuning bilen bir waqitta, xitay hökümiti hetta özining qanunlirida qoghdalghan Uyghur tilinimu yiltizidin yoqutushqa urunuwatqan iken. Emma xitay hökümiti Uyghur medeniyitining muhim bir qismi bolghan Uyghur muzika sen'itini özi üchün xizmet qildurush meqsitide rawajlanduruwatqan iken.

"Yo'utubé" qatarliq ijtima'iy taratqulardiki uchurlardin melum bolushiche élise andérson xanim 2014-yili 12-ay mezgilide ürümchide ötküzülgen "Yipek yoli sadasi" namidiki naxsha musabiqisige qatniship, Uyghurlar arisida "Nazaket" nami bilen tonulghan. Élise xanim eyni chaghda özining 2004-yili Uyghur diyarigha tunji qétim kelginidila Uyghurlarning yürüshlük klassik muzikisi bolghan 12 muqamgha qiziqip qalghanliqi we muqam ishtiyaqi seweblik ürümchidiki sen'et institutida mexsus Uyghur tili we Uyghur muqamini ögen'genlikini bildürgen.

Toluq bet