Чақилиқ наһийәсидә хитайниң чоң көләмлик йәнә бир чошқа бақмичилиқ базиси қурулушқа башлиған

Мухбиримиз әркин
2020-06-05
Елхәт
Пикир
Share
Принт

Хитай һөкүмитиниң мусулманлар райони болған уйғур диярини хитайдики әң чоң бақмичилиқ базисиға айландуруш пилани кәң көләмлик йолға қоюлмақта. Хитай даирилири қәшқәр вә бай наһийәрлиридин кейин уйғур елиниң чақилиқ наһийәсигиму чоң көләмлик чошқа бақмичилиқ базиси қурушқа башлиған. Хитай даирилири буниң алдида қәшқәр конашәһәр наһийәси вә ақсуниң бай наһийәлиридә чоң көләмлик чошқа бақмичилиқ базирилирини қуридиғанлиқини елан қилған иди.

Көзәткүчиләр хитай даирилириниң мәзкур пиланини тәнқидләп, униң мусулманлар асаслиқ салмақни игиләйдиған бу районға чошқа бақмичилиқ базилирини қурушиниң «ғәрәзлик һәрикәт» икәнлики, буниң хитайниң мәзкур районда йолға қоюватқан «мәдәнийәт қирғинчлиқи» сияситиниң бир парчиси икәнликини илгири сүргән иди. Хитайдики «җуңго хәвәрләр» ториниң ашкарилишичә, чақилиқ наһийәсидики чошқа бақмичилиқ базиси мәзкур наһийәниң ташсай кәнтидә қурулушқа башлиған.

Хәвәрдә бу чошқа бақмичилиқ базисиға 2 милярд 200 милйон йүән мәбләғ аҗритилғанлиқи, униңда йилиға 1 милйон 100 миң туяқ чошқа беқилидиғанлиқи илгири сүрүлгән. Бу қурулушни «чяңду орманчилиқ-бақмичилиқ һәссидарлиқ чәклик ширкити» намлиқ бир ширкәт үстигә алған болуп, 20-май күни рәсмий қурулуш башланған. Уйғур аптоном районлуқ һөкүмәт бу йилниң башлирида мәзкур районниң хитайдики әң чоң чошқа бақмичилиқи базисиғ айландурулуп, хитай өлкилирини чошқа гөши билән тәминләйдиғанлиқини елан қилған.

Пикирләр (0)
Share
Толуқ бәт