Бейҗиңдики чәтәл мухбирлар кулуби йиллиқ докладида чәтәл мухбирлириниң хитайдики вәзийити яманлашқанлиқини билдүрди

Мухбиримиз меһрибан
2014-12-30
Елхәт
Пикир
Share
Принт


Бейҗиңдики чәтәл мухбирлар кулуби FCCC дүшәнбә күни доклат елан қилип, 2014 - йили чәтәл мухбирлириниң хитайдики вәзийити әң яманлашқан бир йил болғанлиқини билдүрди.

FCCC Ниң доклатидин мәлум болушичә, тибәт вә шинҗаң уйғур аптоном районида чәтәл мухбирлириниң зиярәт қилиши әң қаттиқ тәқип қилинған. Доклатта америка авази қатарлиқ чәтәл ахбарати мухбирлириниң бу йил үрүмчидә йүз бәргән 30 - апрел үрүмчи пойиз истансисидики партлаш вә 22 - май үрүмчи әтигәнлик базар партлитиш һуҗумидин кейин, үрүмчидә зиярәт қилишиға рухсәт қилинған болсиму, әмма улар пуқрачә кийингән сақчиларниң назарәт қилиши, һәтта паракәндә қилишиға учриған әһваллар нәқил елинған.

Доклатта йәнә, бир қисим чәтәл хәвәр агентлиқлириниң хитайда «чегра сиртидики дүшмән күчләр» дәп атилип, чәтәл агентлиқилириниң хәвәрлирини хитайда тарқатқучиларниң зәрбә бериш обикти қилиниши, һәтта сотлинип, еғир җазаларға һөкүм қилиниши, хитайда учур - ахбарат әркинлики вәзийитиниң өткән йилларға селиштурғанда 2014 - йили әң яман һаләткә йәткәнликидин дерәк беридиғанлиқи тәкитләнди.

Пикирләр (0)
Share
Толуқ бәт