Чен чүәнгониң зиялийлар йиғини ечиши диққәт қозғиди

Мухбиримиз әзиз
2020-01-21
Елхәт
Пикир
Share
Принт

«Хитай компартийәси хәвәр тори» ниң 21-январдики хәвиридә ейтилишичә, уйғур аптоном районлуқ парткомниң секретари чен чүәнго 20-январ күни үрүмчидә ечилған «аптоном районлуқ зиялийлар сөһбәт йиғини» ға қатнашқан һәмдә узун сөз қилған.

Хәвәрдә ейтилишичә, чен чүәнго зиялийларни «шинҗаңниң муқимлиқини вә узақ мәзгиллик әминликини алға сүрүшкә түрткә болуш» қа чақирған. Шуниңдәк зиялийларни буниңдин кейинки «дөләтни йүксәк орунға қоюш, хитайчә алаһидиликкә игә сотсиялизм қуруштәк бир қатар улуғвар ишларда башламчи болуш» керәкликини тәкитлигән.

Һалбуки, өткән икки йилниң ичидила уйғурниң әң мунәввәр зиялийлиридин нәччә йүз киши тутқун қилинип лагерларға вә түрмиләргә қамалғаниди. Әмдиликтә чен чуәнгониң аз сандики уйғур вә башқа милләт зиялийлирини топливелип бу хилдики йиғинларни ечишини муһаҗирәттики уйғур зиялийлири «алдамчилиқтин башқа нәрсә әмәс» деди. Америкадики уйғур зиялийлиридин елшат һәсән «бу маһийәттә хитайниң өз йеғида өз гөшини қоруш һелисини қайтидин базарға селишидур. Улар һазирчә лагерға әвәтилмигән һәмдә лагерларда тәрбийәлинип чиққан мушу азғинә зиялийлар арқилиқ өзлириниң сиясий қара нийитигә йәтмәкчи» деди.

Пикирләр (0)
Share
Толуқ бәт