Xitay hökümiti "Bölgünchilikke qarshi turush" ning tarixini téximu uzartti

Muxbirimiz eziz
2020-06-16
Élxet
Pikir
Share
Print

Yéqinda xitay hökümiti bashqurushidiki xelq neshriyati béyjingda "1679-Yilidin 1949-yilighiche bolghan shinjangdiki bölgünchilikke qarshi küreshning tarixi" namliq zor hejimlik eserni neshr qildi.

Shinxu'a agéntliqining 14-iyundiki xewiride éytilishiche, aptor xitay hökümitining "Shinjang qedimki zamandin tartipla bizning zéminimizning ayrilmas bir qismi bolup kelgen" dégen yétekchi idiyesini asas qilip turup "Shinjangdiki her millet xelqi uzundin buyan jungxu'a milliti bilen bir a'ile kishiliri bolup ötken," dégen pikirni algha süridu.

Mezkur eserning aptori aral sheherlik bingtu'en edebiyet-sen'etchiler birleshmisining re'isi chén wugo bolup, xewerde uning bu kitabqa 12 yil waqit serp qilghanliqi éytilidu. Emma muhajirettiki Uyghur ziyaliyliridin tarixshunas qahar barat aptorning bilimsizlikini mesxire qilip: "1679-Yili xitay bizning wetinimizge téxi ayaq basmighan tursa, qeyerde yürüp bizning wetinimizde bölgünchilikke qarshi küresh qilidiken? eger u waqitta bölgünchilik bolghan déyilse peqet Uyghurlar 'aq taghliq' we 'qara taghliq' bolup bölünüp bir-birige qarshi turghan, xalas" dédi.

Toluq bet