"Zulmet qoynigha domilawatqan Uyghurlar diyari" heqqidiki endishe kücheymekte

Muxbirimiz eziz
2019-12-31
Élxet
Pikir
Share
Print

Amérikadiki oqurmenliri bir qeder köp bolghan gézitlerdin "Chet'el siyasiti" 30-dékabir küni tehrirat maqali'isi élan qilip, Uyghurlar duch kéliwatqan zulumlar heqqide shunche köp melumatlar otturigha chiqqan bolsimu "Xitay hökümiti bu ehwallargha közini mitmu qilip qoymidi" dep xulase chiqardi. Shuningdek Uyghurlar diyarining "Zulmet öz qoynigha dem tartiwatqan" ehwalda ikenlikini tekitlidi.

"Chet'el siyasiti" géziti özlirining ikki yildin buyan lagérlar mesilisini izchil xewer qilip kéliwatqanliqini, jümlidin 2019-yilining özidila lagérlar mesilisi boyiche köpchilikke tonulghan bir qisim tor yazghuchilirigha, jümlidin adryan zénz, jin bunin, bésaniy ibrahimiyan qatarliqlarning Uyghurlar uchrawatqan türlük basturushlar we lagérlar heqqidiki maqalilirigha yéterlik orun bérip, bu mesililerning xelq'aragha yaxshi tonulushigha shara'it yaritip bergenlikini, emma shundaqtimu hazir xitay hökümitining yenila özining bilginini qiliwatqanliqini epsusluq ichide bayan qilidu. 

Hazirgha qeder chet'ellerdiki köpligen axbarat wastiliri Uyghurlar diyaridiki zor tutqun, xitay hökümitige bu jehette bésim ishlitish, tutqunlarning erzan emgek küchige aylandurulushi qatarliq mesililer boyiche nurghun pakitlar we tenqid maqaliliri élan qilghan idi. Xitay hökümiti bu yazmilardin qattiq bi'aram bolghan bolsimu, ularning bu jehette tüplük özgirish hasil qilidighanliqi heqqide hazirghiche héchqandaq bisharet melum emes.

Toluq bet