Сара катер: «дуня банкиси немә үчүн хитайниң тутуп туруш лагерлириға мәбләғ салиду?»

Мухбиримиз сада
2019-08-28
Елхәт
Пикир
Share
Принт

Уйғур дияридики җаза лагерлири мәсилиси изчил мәвҗут болуватқан бир пәйттә дуня банкисиниң хитайниң уйғур диярида тәсис қилған тутуп туруш лагерлириға 50 милйон доллар мәбләғ салғанлиқи һәққидә хәвәрләр тарқилишқа башлиди.

27-Авғуст америкадики даңлиқ мухбир сара картерниң шәхсий тор бетигә елан қилинған «дуня банкиси немә үчүн хитайниң тутуп туруш лагерлириға мәбләғ салиду?» сәрләвһилик мақалиниң башланмисида аптор дуня банкиси мәбләғ салған хитай һөкүмитиниң аталмиш «кәспий тәрбийиләш программиси» дики тәпсилий мәзмунлар үстидә тохталған. Мәлум болушичә, бу программа икки чоң бөләктин тәркиб тапқан икән. 1-Бөликидә бәш кичик мәзмун бар болуп, улар: мәктәп вә завутниң бағлинишини күчәйтиш; дәрслик, оқутуш митоди вә баһалашни йеңилаш; юқири сәвийидики оқутуш вә башқуруш қошунини қуруп чиқиш; башқа мәктәп вә йәрлик җамаәтләргә болған қоллашни күчәйтиш; муәссәсә вә үскүниләрни йеңилаш қатарлиқларни өз ичигә алидикән. 

Мәзкур программиниң 2-бөликидә өлкә дәриҗилик сиясәтниң тәрәққияти, мәктәпләр ара һәмкарлиқ мунасивити қатарлиқ бир қанчә мәзмундин тәшкил тапқан икән. 

Уйғур диярида милйонлиған уйғурниң тутуп туруш лагерлириға қамилиши хәлқараниң күчлүк бесимиға дуч келиватқан пәйттә хитай һөкүмити бу йил июлда «уйғурлар түркий милләт әмәс» дегән сәпсәтисини тәшвиқ қилидиған ақ ташлиқ китабни елан қилған. Аптор мақалисидә мушу нуқта үстидә анализ йүргүзүп, «дуня банкисиға охшаш даңлиқ пул-муамилә оргининиң хитайға охшаш бир дөләткә зор соммилиқ мәбләғ селиши вә униң ақивитини қандақму тәсәввур қилғили болиду?» дегән соални қойған. 

27-Авғуст күни дуня банкиси өзлири үстидә елан қилинған юқириқи хәвәр һәққидә радийомиз мухбириға баянат берип, өзлириниң уйғур дияридики «кәспий техника программиси» ға 50 милйон доллар қәрз пул бәргәнликини ақлиған иди.

Пикирләр (0)
Share
Толуқ бәт