Нюйорк вақти гезити: «явропа ширкәтлири ‹хитайниң очуқ түрмиси' дин зор пайдиға еришмәктә»

Мухбиримиз әркин
2019-08-23
Елхәт
Пикир
Share
Принт

Меркатор институти хитай тәтқиқат программисиниң тәтқиқатчиси бенҗамин хаас 22‏-авғуст күни «нюйорк вақти» гезитидә мақалә елан қилип, явропа иттипақини уйғур райониға мәбләғ салған явропа ширкәтлирини контрол қилишқа чақирди. Бенҗамин хаасниң илгири сүрүшичә, явропа иттипақи дәрһал қанун чиқирип, уйғур районидики явропа ширкәтлириниң бу районда йүз бериватқан кишилик һоқуқ дәпсәндичиликигә четилип қалған-қалмиғанлиқини тәкшүрүп туруши керәк икән.

Мақалидә, бу ширкәтләрниң йиғивелиши лагерлиридики мәҗбури әмгәккә четилип қалмаслиқи, бу ширкәтләрниң мәблиғиниң қайси органларға пайда йәткүзүватқанлиқи, мәһсулати вә техникисиниң қәйәргә ишлитиливатқанлиқини назарәт қилип, явропа кишилик һоқуқ өлчимигә хилаплиқ қилған ширкәтләрни җазалаш керәклики тәкитләнгән. Бенҗамин хаас «явропа ширкәтлири ‹хитайниң очуқ түрмиси'дин зор пайдиға еришмәктә» сәрләвһилик мақалисидә қәйт қилишичә, нөвәттә, явропадики әң чоң 150 ширкәтниң йериминиң дегүдәк уйғур райони билән мәлум шәкилдики сода мунасивити бар икән. 

Мақалидә, бу ширкәтләрниң ичидә германийә зиминис ширкитиниң әң алдинқи орунда туридиғанлиқи, униң хитай електронлуқ пән-техника гуруһи билән һәмкарлишип, уйғур районида ишлитиливатқан бир сақчи юмталини ясап чиққанлиқи, бу юмтал нурғун уйғурларниң лагерларға қамилишиға сәвәб болғанлиқи билдүрүлгән. Бенҗамин хаасниң қаришичә, явропа иттипақиниң юқириқи тәдбирләрни қоллиниши хитайниң наразилиқини қозғисиму, лекин хитай рәиси ши җинпиң хитайниң әң чоң сода шерики болған явропа иттипақи билән бу сиясий ихтилапни, дәп өзиниң иқтисади муқимлиқиға бузғунчилиқ қилишқа тәвәккүл қилалмайдикән.

Пикирләр (0)
Share
Толуқ бәт