«Ню-йорк вақти» гезити: «хитайдики шәпқәтсиз ‹ятақлиқ мәктәп' ләр»

Мухбиримиз сада
2019-04-24
Елхәт
Пикир
Share
Принт

Хитай һөкүмити уйғур дияридики бастурушлирини күчәйтип, районни «үсти очуқ» түрмәгә айландурғанлиқи хәлқарадики даңлиқ ахбарат васитилиридә хәвәр қилинмақта. Йеқинда «ню-йорк вақти» гезитидә «хитайдики шәпқәтсиз ‹ятақлиқ мәктәп' ләр» намлиқ бир тәһрират мақалиси елан қилинди.

«Ню-йорк вақти» гезитиниң 17-марттики мәзкур тәһрират мақалисидин мәлум болушичә, хитай һөкүмити уйғур дияридики уйғур вә башқа түркий милләтләрниң тили, мәдәнийити, етиқади вә кимликини еғир дәриҗидә дәпсәндә қилмақтикән. Мақалидә хитайниң дунядики кишилик һоқуқ дәпсәндичилики әң еғир болуватқан дөләтләр қатаридин орун елиши керәклики тәшәббус қилинған.

Мақалидә тилға елинған йәнә бир муһим нуқта шуки, хитай дәсләптә җаза лагерлириниң мәвҗутлуқини инкар қилған, һалбуки, өткән йили 10-айдин башлап уни аталмиш «маарип вә техника тәрбийәләш мәктипи» дәп аташқа башлиған шундақла районда интайин рәһимсиз түзүмдики «ятақлиқ мәктәп» ләрни бәрпа қилишқа башлиған.

Чаршәнбә күни америка ташқи ишлар министирлиқида дунядики дөләтләрниң йиллиқ кишилик һоқуқ доклати елан қилинған. Доклатта америка ташқи ишлар министири майк помпейо хитай һәққидә сөз қилип, «хитай кишилик һоқуқ дәпсәндичиликидә өз алдиға бир тор һасил қиливалди,» дегән.

Нөвәттә райондики милйондин артуқ уйғур хитайниң җаза лагерлирида азаб чекиватқан бир мәзгилидә хитай һөкүмити бу җайни «интайин бәхтлик ятақлиқ мәктәп» дәп тәшвиқ қилмақта. Һалбуки, көзәткүчиләр бу җайларни сабиқ совет иттипақи мәзгилидики «гулаг» тәқиб системисидин пәрқләнмәйдиған балилар лагери икәнликини илгири сүрмәктә.

Пикирләр (0)
Share
Толуқ бәт