Amérika dölet mudapi'e ministirliqi emeldari: "Amérika xitay bilen urush qilishqa teyyar turushi kérek"

Muxbirimiz erkin
2020-02-24
Élxet
Pikir
Share
Print

Amérika dölet mudapi'e ministirliqining yuqiri derijilik bir emeldari amérikaning xitay bilen urush qilishqa teyyar turushi kéreklikini bildürgen. Yaxu torining xewer qilishiche, amérika dölet mudapi'e ministirliqining mezkur emeldari amérikaning yéngi qorallarni tereqqi qildurup, ittipaqdash döletler bilen bolghan alaqini kücheytishi, dölet mudapi'e ministirliqining ünümdarliqini östürüp, xitay bilen bolidighan herbiy toqunush éhtimalliqigha teyyar turushi kéreklikini tekitligen. Bu sözlerni amérika dölet mudapi'e ministirliqining mu'awin yardmchi ministiri chad bragi'a "Amérika-xitay iqtisadi we bixeterlik közütüsh komitéti" ning ötken hepte ötküzülgen guwahliq yighinida qilghan. Chad bragi'a ilgiri amérikaning béyjingda turushluq herbiy emeldari bolghan.

U, ötken heptidiki guwahliq yighinida agahlandurup, "Mundaqche éytqanda xitay bilen toqunush partlashning xewpi nahayiti zor. . . . . . . . . Bu uzun bir menzil. Biz nahayiti eqilliq bolushimiz kérek" dégen. Uning tekitlishiche, xitay xelq azadliq armiyesi tedriji küchiyiwatqan esheddiy reqip bolup, u misli körülüp baqmighan yéngi imkaniyetlerge ige bolup, özining uzun yilliq xirisini emelge ashurmaqtiken. Chad bragi'a, bu imkaniyetler xitay we xitay xelq azadliq armiyesining herbiy küchini pütün yersharigha kéngeytishi we amérikaning menpe'etige ünümlük xiris qilishigha mumkinchilik yaritip bériwatqanliqini bildürgen. Uning tekitlishiche, amérika uninggha taqabil turushta yuqiri awazdin yuqiri tézliktiki qorallarni, sün'iy eqil, robot, yeni mashina adem we lazér nuriliq qorallarni öz ichige alghan téximu köp "Ejellik zerbe bérish we berdashliq bérish küchi zor birleshme qisimlarni qurushi hem orunlashturushi kérek" iken.

Toluq bet