Prézidént tramp amérika-xitay soda söhbitining pat arida eslige kélidighanliqini bildürdi

Muxbirimiz erkin
2019-08-26
Élxet
Pikir
Share
Print

Amérika prézidénti donald tramp 26‏-awghust düshenbe küni amérika-xitay soda söhbitining "Pat arida" eslige kélidighanliqini bildürdi. Bu, prézidént trampning ötken hepte amérika-xitay soda urushi intayin keskinliship ketkendin kéyin tunji qétim soda söhbitining eslige kélidighanliqini bildürüshidur.

Bbch ning xewer qilishiche, prézidént tramp xitay terepning yekshenbe küni özlirige téléfon qilip, söhbet üstilige olturushni telep qilghanliqi, shunga özlirining "Söhbet üstilige qaytip kélidighanliqi" ni bildürgen. Prézidént tramp ötken jüme küni xitay import towarlirining tomozhna béjini östürüp, béyjingning 75 milyard dollarliq amérika mehsulatgha baj qoyghanliqigha inkas qayturghan. U, nöwette 250 milyard dollarliq xitay import mehsulatigha qoyulghan 25% tamozhna béjini 30% ge, 300 milyard dollarliq xitay mehsulatqa qoyulghan 10% bajni 15% ge chiqiridighanliqini élan qilghan.

Prézidént trampning düshenbe küni bildürüshiche, xitay terep ulargha yekshenbe küni ikki qétim téléfon qilip, "Kélishim hasil qilishni xalaydighanliqi" ni bildürgen. Shu küni xitayning mu'awin bash ministiri lyu xé chongchingdiki bir xelq'ara yighinda söz qilip, amérika bilen bolghan sodidiki ixtilapni hel qilishni xalaydighanliqi, toqunushni kücheytishke qarshi ikenlikini tekitligenidi.

Prézidént tramp düshenbe küni muxbirlarning uning bésimi "Xitayni söhbet üstilige qayturup keldi?, dep qaramsiz?", dégen so'aligha xitayning: "Nahayiti qattiq zerbe yégenliki" ni tekitlep, "Biz pat arida söhbet bashlaymiz. . . . . . Lékin men kélishim hasil qilimiz, dep oylaymen" dégen. Prézidént tramp ötken hepte élan qilghan bayanatida amérikining xitaygha éhtiyajliq emeslikini bildürgenidi. Nöwette, prézidént tramp xitayni özining soda qurulmisini özgertishke, amérika shirketlirini téxnika ötünüp bérishke qistimasliqqa we amérika eqliy mülkini oghrilashni toxtitishqa chaqirmaqtiken.

Toluq bet