Prézidént tramp: "Xitay bilen axirqi hésabta soda kélishimi imzalinidu dep aldin'ala éytalmaymen"

2019-04-05
Élxet
Pikir
Share
Print

Amérika prézidénti donald tramp jüme küni xitay bilen axirqi soda kélishimi imzalinidu dep aldin'ala éytalmaydighanliqini bildürgen.

Prézidént tramp bu sözlerni amérika-xitay soda söhbiti washin'gtonda élip bériliwatqan mezgilde qilghan. U téxi tönügünla amérika bilen xitayning axirqi soda kélishimi hasil qilishqa yéqinliship qalghanliqi, uning kelgüsi 4 hepte ichide élan qilinidighanliqini bildürgen idi. Lékin roytérs agéntliqining jüme küni xewer qilishiche, prézidént tramp ikki terep soda söhbet ömiki washin'gtonda soda kélishimining axirqi maddilirini jiddiy muzakire qiliwatqan mezgilde muxbirlarni kütiwélip, yuqiriqi sözni qilghan.

Halbuki, prézidént tramp peyshenbe küni xitayning bash soda söhbet wekili, mu'awin xitay bash ministiri lyu xéni aqsarayda qobul qilghanda muxbirlargha tekitlep, "Biz kélishim hasil qilishqa az qalduq. Bu dégenlik kélishim hasil qilindi dégenlik emes. Chünki bu téxi emelge ashmidi. Emma kélishim hasil qilishqa xéli yéqinlashtuq" dégen. U tönügünki sözide bezi ixtilaplarni hel qilishqa toghra kélidighanliqi, eger ikki dölet kélishim hasil qilsa özining shi jinping bilen körüshidighanliqi, emma qachan körüshüshni hazir békitishning baldurluq qilidighanliqini bildürüp, buning üchün "Biz bezi yollarni bésishimiz kérek" dégen idi.

Bu nöwetlik amérika-xitay soda söhbiti tramp hökümiti Uyghur rayonidiki lagérlar amérika dölet mejlisi we kishilik hoquq teshkilatlirining qattiq bésimigha uchrawatqan bir mezgilde ötküzülgen. Söhbet harpisida amérika dölet mejlisining 24 neper kéngesh palata ezasi bilen 19 neper awam ezasi amérika tashqi ishlar ministiri mayk pompiyo, maliye ministiri stéw mnuchin we soda ministiri wilbur roslargha mektub yollap, Uyghur rayondiki kishilik hoquq depsendichilikide jawabkarliqi bar dep qaralghan chén chüen'go qatarliq xitay emeldarlirini jazalashni yene bir qétim telep qilghan idi.

Toluq bet