Prézidént tramp: "Xitayning amérikining ish we bayliqini oghrilishigha xatime bérilishi shert"

Muxbirimiz erkin
2019-02-06
Élxet
Pikir
Share
Print

Amérika prézidénti donald tramp seyshenbe küni amérika xelqige nutuq sözlep, xitayning amérikining ish we bayliqini oghrilishigha xatime béridighanliqini bildürdi.

Uning ilgiri sürüshiche, amérikining xitay bilen bolghan sodida keskin pozitsiye tutushi bu meqsetni ishqa ashurush iken. U yene, xitay bilen bolidighan soda kélishimi uning "Qurulma xaraktérlik özgertish élip bérip, sodidiki adaletsizlikke xatime bérishini telep qilidighanliqi" ni bildürdi. Közetküchiler, xitayning iqtisadi qurulmisini özgertmeslikke qattiq tirejewatqanliqini bildürmekte.

Bu qétimqi nutuq prézidént trampning wezipige olturghandin béri dölet mejliside amérika xelqige sözligen2‏-qétimliq nutqidur. U yuqiriqi sözlerni amérika-xitay soda söhbiti kéler hepte béyjingda ötküzülüshining aldida qildi. Eger xitay amérika bilen bu ayning axirlirigha qeder soda kélishimi hasil qilalmisa1‏-mart küni amérika-xitay soda urushi qayta bashlinidu.

Prézidént tramp sözide amérikining xitaygha qarita qattiq meydanda turidighanliqini eskertip, "Biz xitaygha shu nersini éniq bildürüwatimiz, yillardin béri dawamliship kelgen amérika sana'itini nishan'gha élish, bizning eqliy mülkimizni, amérikining ish we bayliqini oghrilashqa xatime bérish waqti keldi" dep körsetti. Prézidént trampning tekitlishiche, xitay choqum özining iqtisadi qurulmisini özgertishi kérek iken.

U: "Biz hazir xitay bilen soda kélishimini sözlishiwatimiz. Lékin bu choqum iqtisadi qurulmini özgertip, sodidiki adaletsizlikke xatime bérishni, bizning sodidiki qizil reqimini azaytishni we amérikiliqlarning ish pursitini qoghdashni öz ichige élishi kérek" dédi. Prézidént tramp bilen xitay re'isi shi jinping ötken yili 12‏-ayning bashlirida körüshüp, soda urushini 90 kün toxtitishni qarar qilghan. Prézidént tramp eger xitay bu 90 kün ichide amérika bilen kélishim hasil qilmisa, xitay mehsulatlirigha bajni köpeytidighanliqini bildürgen. Melum bolushiche, amérika ötken yili xitayning 250 milyard dollarliq import mehsulatigha baj qoyghan.

Toluq bet