Доналд трамп: «хитайға йеңидин таможна беҗи қоюшимиз мумкин!»

Мухбиримиз әзиз
2018-11-27
Елхәт
Пикир
Share
Принт

Америка президенти доналд трамп билән хитай рәиси ши җинпиңниң «20 дөләт гуруһи» йиғинидики учришишиға бирнәччә күн қалғанда ақ сарай 2019-йили хитайдин импорт қилинидиған барлиқ таварларға йеңидин таможна беҗи қоюлидиғанлиқини җакарлиди.

«Вал стрет журнили» гезитиниң 27-ноябирдики хәвиридә ейтилишичә, доналд трамп хитай билән болған сода урушиға мунасивәтлик сөһбәттә өзлири күткән нәтиҗә барлиққа кәлмисә «хитайға қарита йеңидин 267 милярд америка доллирилиқ таможна беҗи қоюшни ойлишиватимиз» дегән.

Мәлум болушичә, трамп һөкүмити һазирға қәдәр хитайдин импорт қилинған таварларға қарита 250 милярд америка доллиридин көпрәк таможна беҗи қойған. Әгәр бу һал ишқа ашса у һалда һазирғичә таможна беҗиниң зәрбисигә учримай келиватқан башқа таварларға буниң биваситә тәсири болидикән. Җүмлидин хитайда ишлиниватқан «алма» мәһсулатлириғиму импорт беҗи қоюлидикән. 

Хәвәрдә ейтилишичә, бу йил сентәбир ейида иҗра болушқа башлиған 200 милярд америка доллирилиқ таможна беҗи хитайниң адил болмиған сода қилмишлириға, җүмлидин завут игилирини мәһсулат техникилирини қошуп сетип беришкә зорлаш вә техника оғрилаш қилмишлириға җаза бериш үчүн оттуриға чиққан икән.

Пикирләр (0)
Share
Толуқ бәт