Amérika hökümiti xitayni yene bir qétim "Lükchekler hakimiyiti" dep atidi

Muxbirimiz eziz
2019-08-09
Élxet
Pikir
Share
Print

Roytérs agéntliqining 8-awghusttiki xewiride éytilishiche, amérika tashqi ishlar ministirliqining bayanatchisi morgan ortagus xanim "Pakitlar xitay hökümitining heqiqetenmu bir lükchekler hakimiyiti ikenlikini körsetmekte," dédi.

Melum bolushiche, amérika tashqi ishlar ministirliqining bu sözi del xitay-amérika munasiwiti soda we herbiy ishlar boyiche tolimu nazuk bir basquchta turuwatqanda otturigha chiqqan. Xewerde éytilishiche, xitay hökümiti xongkongdiki démokratik xelq namayishini "Amérika hökümiti astirtin küshkürtmekte" dep töhmet qilip kelmekte iken. Xitay kompartiyesining kontrolluqida neshr qilinidighan "Dagongbaw" géziti bolsa amérikaning xongkongdiki konsulxanisida xizmet qilidighan bir kishining xongkong oqughuchilar wekilliri bilen bir méhmanxana zalida sözlishiwatqan foto resimini élan qilip "Bu kishining ismi juliy éda" dégen. Shundaqla buninggha qoshup uning barliq xususiy uchurlirini, bala-chaqilirining ismi we süretlirini, shuningdek bashqa melumatlarni gézitke basqan. Bu heqtiki xewerge bolsa "Chet'el küchlirining xongkonggha qol tiqishi," dep mawzu qoyghan.

Ortagus xanim mushu ehwallarni közde tutup "Peqet lükchek hakimiyetla mushu xildiki bashqilarning xususiy uchurlirini köpchilikke ashkarilashtek peskeshlikni sadir qilidu" dégen. Shundaqla chet'el diplomatlirining her sahe kishiliri bilen uchrishishining diplomatiyediki bir eqelliy qa'ide ikenlikini bildürgen.

Toluq bet