Amérika dölet mudapi'e ministiri: "Xitayning öktemlik qilmishigha yol qoymaymiz"

Muxbirimiz erkin
2019-08-05
Élxet
Pikir
Share
Print

Amérika dölet mudapi'e ministiri mark espér 4‏-awghust küni xitayni agahlandurup, uning hindi-tinch okyan rayonda muqimsizliq yaritiwatqan öktemlik qilmishigha qet'iy yol qoymaydighanliqini bildürgen. Mark espér bu sözlerni amérika tashqi ishla r ministiri mayk pompéyo bilen ötken heptining axiri awstraliyeni ziyaret qilip, awstraliye dölet mudapi'e ministiri we tashqi ishlar ministiri bilen ötküzgen ortaq axbarat yighinida tekitligen. Mark espérning tekitlishiche, amérika we uning ittipaqdashliri her qandaq döletning hindi-tinch okyan rayonida bashqilarning menpe'etini qurban qilip, özige paydiliq tertip shekillendürüshige qarap turmaydiken. Mark espér bu sözlerni amérika-xitay munasiwiti intayin jiddiy ehwalda turuwatqan bir peytte qildi.

Prézidént tramp ötken hepte xitayning 300 milyard dollarliq import mehsulatigha 10% baj qoyidighanliqini élan qilghanidi. Mark espér axbarat yighinida: "Biz shuninggha qet'iy ishinimiz, héchqandaq bir dölet hindi-tinch okyanni öz béshigha kontrol qiliwalmasliqi kérek. Nöwette biz ittipaqdashlirimiz we heqemsayilirimiz bilen birge rayonning jiddiy bixeterlik éhtiyajini hel qilishqa tirishmaqtimiz" dégen. 

U yene özlirining "Xitayning ademni bi'aram qilidighan öktemlik we muqimsizliq peyda qilish qilmishigha qet'iy qarshi turidighanliqi", bu, "Uning bulang-talang xaraktérlik iqtisad we qerz pulini qoral ornida ishlitishtek hem bashqa döletlerning eqliy mülkini oghrilashtek qilmishlirini öz ichige alidighanliqi" ni bildürgen. Axbarat yighinida tashqi ishlar ministiri mayk pompéyo, amérika bilen awstraliyening "Xitayning jenubiy déngizdiki sün'iy arallarni herbiyleshtürüshidin endishe qiliwatqanliqi" ni eskertip: "Biz her ikki dölet uning meblighining dostlirimizni qerz we xiyanetchilik patqiqigha tiqip qoyuwatqanliqini körüp turmaqtimiz" dégen. Biraq, pompéyoning ilgiri sürüshiche, tramp hökümiti bashqa döletlerni amérika bilen xitayning birini tallashqa qistimaydiken. U: "Chünki, bu bizning xizmet usulimiz emes" dégen.

Toluq bet