"Xitay hökümiti we kompartiyisining siyasiy singip kirish herikitige qarshi turush" qanun layihisi amérika dölet mejlisige qayta sunuldi

Muxbirimiz irade
2019-02-14
Élxet
Pikir
Share
Print

Amérika kéngesh palata ezaliridin marko rubiyo we katrin kortez qatarliqlar "Xitay hökümiti we kompartiyisining siyasiy singip kirish herikitige qarshi turush" qanun layihisini amérika dölet mejlisige qayta sun'ghan.

Mezkur qanun layihisi amérika dölet mejlisidiki her ikki partiyidin bolghan wekillerning ortaq qollishi astida tüzüp chiqilghan bolup, xitayning amérika we dunyada siyasiy kéngeymichilik qilishigha qarshi turushni meqset qilidiken. 

Amérika dölet mejlisining tor bétide élan qilin'ghan bu heqtiki bayanattin qarighanda, mezkur qanun layihisi xitayning amérikida we bashqa shérik döletlerde axbaratni kontrol qilish, iqtisadiy jehettin bésim qilish qatarliq pa'aliyetlirini tekshürüsh hem shundaqla amérika wetendashliri, bolupmu Uyghur, tibet we xitaylardin bolghan amérika puqralirini xitayning tehditidin qoghdash qatarliq mezmunlarni öz ichige alidiken. 

Marko rubiyo we katrin kortéz qatarliq kéngesh palata ezaliri bayanattiki sözide amérika démokratiyisining xitaygha oxshash hakimmutleq döletlerning hujumigha uchrawatqanliqini, buninggha taqabil turidighan bir siyaset belgilep chiqishning intayin muhimliqini eskertken.

Toluq bet