Amérika xitayning b d t diki tesirige qarshi turush üchün yéngi elchi teyinligen

Muxbirimiz alim
2020-01-23
Élxet
Pikir
Share
Print

Amérika tashqiy ishlar ministérliqi xitay hökümitining birleshken döletler teshkilatida künséri küchiyiwatqan tesirige qarshi turush üchün 22-yanwar küni alahide elchi teyinligen.

"Tashqiy ishlar" zhurnilining bu toghrisida élan qilghan maqalisigha qarighanda, amérika hökümiti taki yéqin'ghiche shimaliy koriye ishliri boyiche alahide elchilik wezipisini ötep kelgen mark lembért ependini bu muhim orun'gha teyinligen.

Amérika yéqindin béri xitayning b d t da birmunche ushshaq döletlerni keynige sélip, özining" bir belwagh bir yol "Qurulushi we diplomatiye jehettiki bashqa meqsetlirini emelge ashurushqa uruniwatqanliqigha yéqindin diqqet qilip kelgen. Bezi mutexesislerning bildürishiche, amérikaning b d t qarmighidiki bezi muhim organlardin chékinip chiqishi xitayning b d t diki bu gewdilerge ichkirlep kirishige boshluq yaritip bergen iken. 

Yéngidin teyinlen'gen alahide elchi mark lembértning xitayning b d t diki tesir da'irisini chekleshte duch kélidighan tunji siniqi 5-6-mart künliri élip bérilidighan "Dunya eqliy mülük teshkilati" ning bash diréktorini saylap chiqish iken. Xitay hökümiti b d t diki bu muhim organni öz qoligha kirgüziwélish üchün wang binyingni kandidat qilip kirgüzgen iken.

Toluq bet