Amérika shirkitining xotendiki "Teyda shirkiti" bilen alaqisini üzüshi xitayni narazi qildi

Muxbirimiz irade
2019-01-10
Élxet
Pikir
Share
Print

Yéqinda amérikidiki bajér tenterbiye kiyimliri shirkiti xotendiki yighiwélish lagérlirida tutqunlarni mejburiy emgekke séliwatqan "Teyda hessidarliq cheklik shirkiti" ning tenterbiye kiyimlirini import qilip, amérikida bazargha salghan. Bu weqe ashkarilan'ghandin kéyin küchlük inkas peyda qilghan idi.

Birleshme agéntliqining xewer qilishiche, charshenbe küni yuqiriqi bu amérika shirkiti özining tor bétide resmiy bir bayanat élan qilish arqiliq özlirining xotendiki "Teyda shirkiti" bilen bolghan barliq alaqisini üzgenlikini we bundin kéyin Uyghur élidin héchqandaq mal import qilmaydighanliqini jakarlighan. 

Adette shérketler arisidiki soda mesililirige inkas bildürmeydighan xitay tashqi ishlar ministirliqi bolsa amérika shirkitining bu qararigha süküt qilip turalmighan. Xitay tashqi ishlar ministirliqining bayanatchisi lu kang peyshenbe küni "Amérika shirkitining xata melumatlargha ishinip bundaq qarar élishini men bichariliq dep qaraymen" déyish arqiliq amérika shirkitining bu qarargha naraziliq bildürgen. 

Amérikining bajir shirkiti import qilghan kiyimlerning xotendiki lagérlarda ishlep chiqirilghanliq xewiri "Nyuyork waqti géziti", "Maliye waqti géziti" qatarliq dunyadiki nopuzluq agéntliqlar we, gézitlerde ashkarilinip, zor ghulghula qozghighan we nurghun uniwérsitétlar bajér shirkitining mektep dukanliridiki tenterbiye kiyimlirini yighiwetken. Amérika hökümet tarmaqlirimu mezkur weqe üstidin tekshürüsh bashlighan idi.

Toluq bet