Тиллерсон америкиниң шималий корейә билән сөзлишидиған алақә қанили барлиқини ейтти

Мухбиримиз җүмә
2017-09-30
Елхәт
Пикир
Share
Принт

Хитайда зиярәттә болуватқан америка дөләт ишлар министири тиллерсон шәнбә күни америкиниң шималий корейә һөкүмити билән биваситә сөзлишидиған алақә қанили барлиқини ашкарилиди.

У, шималий корейә билән қандақ сөһбәт қуруш мәсилиси һәққидики соалларға җаваб берип мундақ деди: «биз бу һәқтә издиниватимиз. Сөзлишәмсән? дәп сораймиз. Бизниң пийоңяң билән алақә қилидиған қаналлиримиз бар. Биз пәқәт қараңғу һаләттә қалған әмәс.»

У йәнә америкиниң пийоңяң даирилири билән биваситә алақә қилидиған үч қанили барлиқини барлиқини билдүрди.

«Ню-йорк вақит гезити» ниң хәвәр қилишичә, америка вә шималий корейә арисидики биваситә алақә қанилиниң қандақ нәтиҗидә беридиғанлиқини һазирчә мөлчәрләш қийин икән.

Хәвәргә қариғанда, доналд трамп шималий корейә сөһбитидә һечқандақ сүлһи-салаға йол қоймайдиғанлиқини билдүргән. Ким җуңунму өзиниң барлиқ ядро қораллиридин ваз кечиш тәләп қилинған һәрқандақ сөһбәтни рәт қилидиғанлиқини илгири сүргән.

Һазирчә ким җуңун һөкүмитиниң қандақ шәкилдики сөһбәткә һазирлиқ көрүватқанлиқини билдүридиған һечқандақ аламәт йоқ икән.

Йеқиндин буян америка-шималий корейә мунасивәтлири интайин җиддий әһвалға чүшүп қалған.

Америка президенти доналд трамп шималий корейәниң ядро бомба тәһдитигә инкас қайтуруп шималий корейәни кумпәйкум қиливетидиғанлиқини билдүргән.

Икки тәрәп арисидики сөз уруши давам қиливатқан пәйтләрдә шималий корейә 3-сентәбир бир һидроген бомбисини синақ қилған.

Бу синақ б д т ниң қаттиқ әйиблишигә учриған вә шималий корейәгә йәнә бир қатар еғир иқтисадий җаза елан қилинған.

Хитай пәйшәнбә күнидики баянатида шималий корейәниң хитайда мәшғулат қиливатқан ширкәтлирини 120 күн ичидә тақайдиғанлиқини билдүргән.

Тиллерсон өзиниң 2-қетимлиқ хитай зияритини пәйшәнбә күни башлиған иди.

Пикирләр (0)
Share
Толуқ бәт