Америкадики бәзи университет вә пенсийә фондилириниң уйғурларни тәқибләшкә қатнашқан хитай карханилириға мәбләғ салғанлиқи ашкариланди

Мухбиримиз әркин
2019-05-31
Елхәт
Пикир
Share
Принт

Америкадики «базфед» намлиқ ахбарат оргини тәкшүрүш елип берип, америкадики бәзи атақлиқ университет, вәхпә вә пенсийә фондилириниң хитайниң уйғурларни назарәт қилишиға ярдәм бәргән хитай карханилирини мәбләғ вә техника билән тәминлигәнликини ашкарилиди. Хәвәрдә билдүрүлүшичә, бир милйондин артуқ уйғур лагерларға қамалған уйғур районида уларни назарәт қилидиған йүз тонуш юмшақ деталини хоңкоңдики «сәнс тайим», намлиқ ширкәт билән бейҗиңдики «мәгви», намлиқ икки хитай ширкити ишләпчиқарғаникән.

Хәвәрдә, америкадики бәзи университет, шәхс, вәхпә, пенсийә фондилириниң йеқинқи 3 йил ичидә йүз милйонлиған доллар мәбләғ салғанлиқи ейтилған. Хәвәрдә көрситилишичә, «сәнс тайим» билән «мәгви» бу мәбләғни дәсмий қилип, тез кеңәйгән. Улар һөкүмәт органлири вә шәхсий карханилар билән һәмкарлишип, компартийәниң пуқралирини контрол қилишиға ярдәмләшкән.

Хәвәрдә, америкадики юқириқи икки ширкәтни мәбләғ билән тәминлигән орунларниң ичидә принстон университети, массачусетис технологийә институти, аляска пенсийә ишлирини башқуруш фонди, рокфеллер вәхпи, фелорида дөләт хадимлириниң пенсийә фонди, лос анҗелис наһийәлик хизмәтчиләр пенсийә фонди, американиң невҗерсей штатидики инфина камера ширкити қатарлиқларниң барлиқи илгири сүрүлгән.

Хәвәрдә баян қилинишичә, инфина камера ширкити «сәнс таймис» билән бирлишип, шинҗаң даирилириниң назарәй системиси қурушиға ярдәм бәргән. Хәвәрдә қәйт қилинишичә, «сәнс тайим» билән «мәгви» ширкити «базфед хәвәрлири» гә баянат берип, уларниң техникисиниң мәлум бир милләткә қаритилғанлиқини рәт қилған болсиму, лекин хәвәрдә юқириқи орунларниң мәблиғи компартийәниң аз санлиқ милләтләрни тәқиб қилишини қолайлаштурғанлиқини илгири сүрүлгән.

Трамп һөкүмити кишилик һоқуқ тәшкилатлириниң уйғур районида кишилик һоқуқни хорлаватқан хитай әмәлдарлирини вә карханилирини җазалаш һәққидики күчлүк бесимиға учрап кәлди. Америка һөкүмәт әмәлдарлириниң йеқинда таратқуларға ашкарилишичә, нөвәттә трамп һөкүмити хитайниң хәйкаң, дахуа қатарлиқ 5 ширкитини җазалашни ойлашмақтикән.

Пикирләр (0)
Share
Толуқ бәт