Amérikaning üch awi'amatkisi tinch okyanda shimaliy koréyege küch körsetti

Muxbirimiz eziz
2017-11-13
Élxet
Pikir
Share
Print

Amérika déngiz armiyesining ötken heptidin buyan birlikte meshghulat qilip kéliwatqan "Ronald régan", "Tyodor rozwélit" we "Nimiz" namliq üch awi'amatkisi tünügün gherbiy tinch okyanda tengla peyda bolup küch körsetken.

Melum bolushiche, bu ötken on yil ichide her biri yüz ming tonnidin ashidighan ghayet zor shekildiki üch paraxotning tunji qétim birlikte meshghulat qilishi iken.

S n n ning bügünki xewiride éytilishiche, bu üch awi'amatkining shimaliy koréyening herbiy ighwagerliki ewj éliwatqanda mezkur rayonda peyda bolushi hemde jenubiy koréye bilen birlikte herbiy manéwir qilishini "Amérika shimaliy koréyening yadro sinaqliridin héchqachan qorqup qalmaydu" dégen signalgha barawer, dep qarashqa bolidiken.

Amérika prézidénti donald tramp ötken hepte jenubiy koréyediki ziyariti jeryanida "Biz dunyadiki eng chong üch awi'amatkini bu yerge ewettuq" dégen idi.

Birleshme agéntliqning bügünki xewirige qarighanda shimaliy koréye hökümiti buni "Koréye yérim arilidiki misli körülmigen zeherxende heriket" dep qaraydighanliqini bildürgen. Buningdin ilgiri amérika prézidénti donald tramp: "Eger shimaliy koréye mushu teriqide ighwagerlik qiliwerse bizning uni pütünley halak qilip tashlashtin bashqa charimiz yoq" dégen idi.

Toluq bet