Американиң үч авиаматкиси тинч окянда шималий корейәгә күч көрсәтти

Мухбиримиз әзиз
2017-11-13
Елхәт
Пикир
Share
Принт

Америка деңиз армийәсиниң өткән һәптидин буян бирликтә мәшғулат қилип келиватқан «роналд реган», «тйодор розвелит» вә «нимиз» намлиқ үч авиаматкиси түнүгүн ғәрбий тинч окянда тәңла пәйда болуп күч көрсәткән.

Мәлум болушичә, бу өткән он йил ичидә һәр бири йүз миң тоннидин ашидиған ғайәт зор шәкилдики үч парахотниң тунҗи қетим бирликтә мәшғулат қилиши икән.

С н н ниң бүгүнки хәвиридә ейтилишичә, бу үч авиаматкиниң шималий корейәниң һәрбий иғвагәрлики әвҗ еливатқанда мәзкур районда пәйда болуши һәмдә җәнубий корейә билән бирликтә һәрбий маневир қилишини «америка шималий корейәниң ядро синақлиридин һечқачан қорқуп қалмайду» дегән сигналға баравәр, дәп қарашқа болидикән.

Америка президенти доналд трамп өткән һәптә җәнубий корейәдики зиярити җәрянида «биз дунядики әң чоң үч авиаматкини бу йәргә әвәттуқ» дегән иди.

Бирләшмә агентлиқниң бүгүнки хәвиригә қариғанда шималий корейә һөкүмити буни «корейә йерим арилидики мисли көрүлмигән зәһәрхәндә һәрикәт» дәп қарайдиғанлиқини билдүргән. Буниңдин илгири америка президенти доналд трамп: «әгәр шималий корейә мушу тәриқидә иғвагәрлик қиливәрсә бизниң уни пүтүнләй һалак қилип ташлаштин башқа чаримиз йоқ» дегән иди.

Пикирләр (0)
Share
Толуқ бәт