Америкида һәрбий мәхпийәтликни оғрилиған бир хитай қамақ җазасиға һөкүм қилинди

Мухбиримиз әркин
2017-06-23
Елхәт
Пикир
Share
Принт

Америкиниң конектикут штатидики бир федерал мәһкимә пәйшәнбә күни америка һәрбий техникисини оғрилап, хитайға тошиған бир хитай пуқрасини 2 йерим йиллиқ қамақ җазасиға һөкүм қилған. Америка тәптиш әмәлдарлириниң билдүрүшичә, бу йил 39 яшлиқ лү юң америкида мәңгүлүк олтурушлуқ йешил картиси бар инженер болуп, у бурун конектикут штатиниң шәрқи хардфорт районидики «бирләшмә технологийә» ширкитидә ишлигән.

У бу җәрянда мәзкур ширкәтниң бәзи назук материяллирини оғрилап хитайға тошидиған. Америка тәптиш әмәлдариниң билдүрүшичә, лү юң «бирләшмә технологийә» ширкитидики вақтида ф-22 , ф-35 типлиқ америка уруш айропиланлирида қоллинидиған маторларниң лайиһиләш ишлириға арилашқан. Бирләшмә агентлиқиниң хәвәр қилишичә, лү юң мәһкимидә өзиниң назук материялларни оғрилап, хитайға тошиғанлиқини етирап қилған. 

Лекин лү юңниң адвокати, униң назук материялларни хитайда һечкимгә бәрмигәнликини илгири сүргән. Әмма америка тәптиш әмәлдарлириниң билдүрүшичә, йү луң 2013- вә 2014‏-йиллири хитайниң шеняң аптоматик машина институти тәрипидин хизмәткә елинған болуп, у «бирләшмә технологийә» ширкитидин оғрилиған назук материялларни бу органға тапшурған. Лү юң 2014‏-йили 11‏-айда америкиниң йеңи җерсей штатидики неварк хәлқара айродромидин хитайға қарап учуш алдида бәзи назук материяллар билән қолға елинған иди.

Америка хардфорд федерал мәһкимисиниң қарари америка-хитай дипломатийә-мудапиә диалоги вашингтонда башланған күни елан қилинди. 22‏-Июн башланған икки күнлүк диалог җүмә күни ахирлашқан иди.

Пикирләр (0)
Share
Толуқ бәт