Мәркизий милләтләр университетида мәрһум язғучи абдуреһим өткүрниң иҗадийәтлири һәққидә илмий муһакимә йиғини өткүзүлгән

Мухбиримиз қутлан
2015-12-14
Елхәт
Пикир
Share
Принт

Хәлқ тори уйғурчә қанилиниң хәвиригә қариғанда, 11-декабир күни бейҗиңдики мәркизий милләтләр университети мәрһум шаир вә язғучи абдуреһим өткүр вапатиниң 20 йиллиқини хатириләш мунасивити билән илмий муһакимә йиғини өткүзгән.

Мәзкур муһакимә йиғинини мәркизий милләтләр университетиниң уйғур тил-әдәбият факултети тәшкиллигән.

Муһакимә йиғинида атақлиқ тилшунас, милләтләр университетиниң профессори абдурәуп полат қатарлиқ бирқанчилиған тәтқиқатчилар өткүр әпәндиниң бәдиий вә илмий иҗадийәтлиригә беғишланған мәхсус мақалилирини оқуп өткән.

Йиғин арилиқида уйғур студентлар өткүр әпәндиниң шеирлирини коллектип декламатсийә қилип, йиғин қатнашчилирини һаяҗанға салған.

Мәлум болушичә, бу йил 9-айдин буян уйғур райониниң үрүмчи, қумул, қәшқәр қатарлиқ җайлирида һәмдә түркийә қатарлиқ мәмликәтләрдә мәрһум өткүр әпәнди вапатиниң 20 йиллиқи мунасивити билән бир қатар илмий муһакимә йиғинлири өткүзүлгән.

Пикирләр (0)
Share
Толуқ бәт