Ataqliq muzikant we naxshichi abduréhim héytning türmide jan üzgenliki ilgiri sürüldi

Muxbirimiz erkin
2019-02-08
Élxet
Pikir
Share
Print

Özining jenggiwar muzika we naxshiliri bilen Uyghur xelqining dilini yayritip kelgen ataqliq sen'etchi abduréhim héytning xitay türmiside jan üzgenliki ilgiri sürüldi. Bu heqtiki uchurlarda uning türmide qattiq qiyin-qistaq astida jan üzgenliki qeyt qilinmaqta. Bu xewer 8‏-féwral küni türkiyediki bir uchur menbesi teripidin ilgiri sürülgen. Türkiyelik sen'etchi, türkiye döletlik téléwiziye qanili t r t ning ataqliq naxshichisi bunyamin aqsün'gür shu küni élan qilghan uchurida, abduréhim héytning türmide jan üzgenlikige da'ir xewerler burunmu tarqalghan bolsimu, lékin bu qétim tarqalghan xewerning rastliqini tekitligen. Aqsün'gür 8‏-féwral muxbirimizgha qilghan sözide, xitay hökümitining bayanat élan qilip, bu xewerning rastliqini ret qilishini ümid qilidighanliqi, biraq bu xewerning özige, intayin saghlam menbelerdin kelgenlikini bildürdi. U: "Abduréhim héytning jan üzgenliki rast bolsa, bu Uyghur xelqi üchünla emes, belki türk dunyasi üchünmu zor yoqitish bolidu" dédi. Bunyamin aqsün'gür xewer menbesining intayin ishenchiliklikini ilgiri sürgen bolsimu, lékin bu xewer téxi xitay resmiy da'iriliri teripidin delillenmidi. Melum bolushiche, abduréhim héyt 2017‏-yili 4-ayda ürümchide "Atilar", "Uchrashqanda" qatarliq naxshiliri seweblik tutqun qilinip, 8 yilliq qamaq jazasigha höküm qilin'ghan iken. Aqsün'gür, uning oghlining ötken yili dadisini yoqlap barghanda uning bek oruqlap ketkenliki we uni halsiz ehwalda körgenlikini anglighanliqini bildürdi.

Amérikida turushluq sha'ir tahir hamutning "Xewer nida" tor bétining muxbirigha bildürüshiche, uning "Atilar" namliq naxshisining tékistini yazghan sha'ir we yazghuchi abduréhim abdullamu tutqun qilin'ghan iken.

Toluq bet