Уйғур карханичиларниң чиқиш йоли нәдә?

Йеқинда хурун тәтқиқат орни үчинчи йиллиқ хитайдики байларниң сани вә уларниң районларға тарқилиш әһвалини елан қилди.
Мухбиримиз гүлчеһрә
2011-04-22
Елхәт
Пикир
Share
Принт
Хитай өлкисидики бир карханичиниң тойи мурасими үчүн ишләткән есил машинилири. Той мурасимиға кәткән пул $800,000 болған. 2006-Йили 21 өктәбир.
Хитай өлкисидики бир карханичиниң тойи мурасими үчүн ишләткән есил машинилири. Той мурасимиға кәткән пул $800,000 болған. 2006-Йили 21 өктәбир.
AFP

Мәзкур доклатта «уйғур аптоном районида 240 милярдер, һәр 7000 адәм ичидә бир милйонер бар» дәп көрситилгән. Әмма бу байлар тизимликигә бирму уйғур милярдер яки милйонер киргүзүлмигән болуп, уйғур елидики байлар арисида уйғур милярдер һәтта милйонерму йоқму? дегән соалларға җаваб елиш үчүн издәндуқ.

Тәңритағ уйғур ториниң 15-апрел елан қилишичә, хурун тәтқиқат орни 12-апрел күни 2011-йиллиқ байлар тизимликини елан қилған. Буниңда көрситилишичә хитайдики 31 өлкә шәһәрләр вә аптоном райондики пулдар кишиләрниң сани 960 миңға буниң ичидә милярдерлар 60 миңға йәткән. Буниңда йәнә уйғур аптоном районидики байлар сани мәмликәт бойичә 26-орунда дәп көрситилгән болуп, уйғур елидин 240нәпәр милярдер вә 3000 нәпәр милйонер бу йилқи байлар тизимликигә киргән. Әмма байлар тизимликидә бирму уйғур исми қатарға киргүзүлмигән.

Хәвәргә қариғанда, хурун милйонерлириниң асас салғучиси тәкшүрүп тәтқиқ қилғучи хурун, уйғур аптоном районида милйонерларниң әһвалиниң пүтүн хитайдики әһвал билән охшишип кетидиғанлиқини, буларниң асасән өй мүлүк хоҗайинлири, өй-зимин содиси билән шуғуллинидиғанлар, кәспи пайчекләр вә башқа тиҗарәт игилири икәнликини билдүргән.

Милйонерлар омумйүзлүк 2 милйон йүәнликтин артуқ өзи олтуридиған өй земинға, 300 миң йүәнлик аптомобилға вә бир милйон 200миң йүәнликтин артуқ мәбләғ селишқа болидиған мал мүлүккә игә икән.

Хурун милйонерлар тахтиси, 1999-йили хурун тәрипидин қурулған хитайдики тунҗи байларни рәткә турғузуш тахтиси болуп, у хитай ахбарат васитилириниң хитайдики карханичи байлар һәққидә из қоғлап игилигән хатирилиригә асасән тәтқиқат елип бариду вә йилда бир доклат елан қилиду.

Хурун тахтисида елан қилғини бойичә ейтқанда, уйғур елидә 240 нәпәр милярдер болғандин башқа,3000нәпәр милйонер бар болса, хитай елан қилған уйғур аптоном райони нопусиға нисбәтән, уйғур елидә һәр 7195 киши ичидә бир милйонер бар болған болиду.

Гәрчә уйғур елидә миллий карханилар йеқинқи йигирмә йилдин буян йоқлуқтин барлиққа келип, кичиктин зорайған күнсайин ронақ тепиватиду дәп тәшвиқ қилиниватқан болсиму, әмма хурун елан қилған байлар қатариға бу йилму бирму уйғур бай яки карханичиниң кирәлмәслики уйғурларни әҗәбләндүрмәктә.

Хурун тахтисида елан қилишқа шәрти тошқудәк бир уйғур содигәр яки бай йоқму? уйғур елидә бейиватқанлар пәқәтла хитай мәбләғ салғучилириму? бу соалларға җаваб елиш үчүн алди билән, мәзкур хәвәрни елан қилған тәңритағ тори уйғур бөлүм тәһрири билән алақиләштуқ, әмма мәзкур хәвәрни елан қилғучи мухбир бу хәвәрни пәқәт асия мәркизи торидин тәрҗимә қилип қойғанлиқи, уйғур елидики милйонер вә милярдерларниң ичидә уйғур бар‏-йоқлуқи һәққидә издәнмигәнликини билдүрди.

Уйғур елидики нопузлуқ бир миллий карханиниң, исмини ашкарилашни халимиған бир игиси уйғурлар арисида милйонер һәтта милярдерларниң чиқидиғанлиқиға ишәнсиму, әмма саниниң чәклик икәнликини шундақла уларниң өзини вә байлиқини ашкарилашни халимайдиғанлиқини ипадилиди.

Уйғур елиниң җәнуб шималидики бир қанчә шәһәрләрдә завут қурған, уйғурлар арисида бай атиливатқан йәнә бир яш уйғур карханичи болса, уйғурлар арисида хели көзгә көрүнгән карханичилар чиқиватқан болсиму, әмма хитайларға селиштурғили болмайдиғанлиқини, чүнки барлиқ сиясәтләрниң хитай карханичи вә мәбләғ салғучиларға кәңри болған болса, уйғур карханичиларға түрлүк тосқунлуқларниң мәвҗутлуқини, шу сәвәблик, уйғур елигә келип тез арида бейиватқан хитайлардәк ронақ тапалмайватқанлиқини вә уйғур карханичи, содигәрләр пәқәт бирлишип, йеңи техникиларни киргүзүп өз-ара һәмкарлашқанда чиқиш йоли тапалайду дәп ойлайдиғанлиқини билдүрди.

Пикирләр (0)
Share
Толуқ бәт