Amérika xelq'ara diniy erkinlik komitétining komissari nuri türkel: "Xitay Uyghurlargha qarita medeniyet qirghinchiliq élip bériwatidu"

Muxbirimiz erkin
2020-06-05
Élxet
Pikir
Share
Print

Amérika xelq'ara diniy erkinlik komitétining komissari nuri türkel 4-iyun küni amérikadiki "Xristi'an axbarat tori" (CBN qanili) ning ziyaritini qobul qilip, xitayning Uyghurlargha qarita "Medeniyet qirghinchiliqi" élip bériwatqanliqi, bu krizista Uyghurlar xiristyan we yehudiy jama'etliring zor qollishigha érishkenliki, lékin bashqa diniy guruppilarning yéterlik qollimighanliqi, ularningmu Uyghurlar üchün söz qilishi kéreklikini bildürgen. Bu nuri türkelning yuqiriqi wezipige olturghandin béri tunji qétim amérika taratqusining ziyaritini qobul qilishidur.

Nuri türkel yuqiriqi sözlerni CBN ning washin'gtonda turushluq muxbiri jeniffér wishonning ziyaritini qobul qilghanda tekitligen. Uning qeyt qilishiche, hazir Uyghurlar "Dewrimizdiki medeniyet qirghinchliqigha uchrimaqta" iken. U: "Eger bir hökümet bir étnik milletni kolléktip jazalap, uning étnik arqa körünüshi, diniy étiqadi seweblik uning ayalliri we balilirini nishan qilsa, bu éniqki medeniyet qirghinchliqigha yatidu," dégen.

Nuri türkel yéqinda amérika dölet mejliside maqullinip, prézidént trampning imza qoyushigha sunulghan "Uyghur kishilik hoquq siyasiti qanuni" heqqide toxtilip, buning Uyghurlargha a'it amérikadiki tunji qanun ikenliki, bu qanunning hökümetning "Yer shari magnétiskiy qanuni" ni ishqa sélip, xitayda diniy we az sanliq milletlerni basturushta jawabkarliqi bar bolghan xitay emeldarlirigha émbargo yürgüzüshige körsetme béridighanliqini bildürgen. Nuri türkel ötken hepte amérika awam palata re'isi nensi pélosi teripidin amérika xelq'ara diniy erkinlik komitétining komissarliqigha teyinlen'gen idi.

Toluq bet